Խնդրում ենք սպասել...
COMMENT.am
Այսօր`  չորեքշաբթի, 21 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

«Հերիք է խաղեր անել ու ՀՀԿ-ին խորհրդարան մտցնելու ձևեր ստեղծել». Տիգրան Ուրիխանյան

10:25, երեքշաբթի, 23 հոկտեմբերի, 2018 թ.
«Հերիք է խաղեր անել ու ՀՀԿ-ին խորհրդարան մտցնելու ձևեր ստեղծել». Տիգրան Ուրիխանյան

ԱԺ այսօրվա նիստի սկզբում ելույթ ունեցավ «Ծառուկյան» խմբակցության պատգամավոր Տիգրան Ուրիխանյանն ու անդրադառնալով Ընտրական օրենսգրքի երեկվա տապալմանը, ասաց. «Այն, ինչ երեկ տեղի ունեցավ, հնարավորություն էր ՀՀԿ-ի համար փոքրաթիվ խմբով մասնակցելու արտահերթին՝ բերելով փողային պարկեր բացող տղերքին, տեղերում ապահովել ռեյտինգային ընտրակարգով ձայներ ու Աժ-ում ապահովել ՀՀԿ-ի զգալի թվով ներկայություն, որի դեմը պետք է առնել»:

ԱԺ նախագահ Արա Բաբլոյանն արձագանքեց. «Որպես Աժ նախագահ՝ ես տվեցի բոլոր հնարավորությունները, որպեսզի այն մարդիկ ու խմբակցությունները, ովքեր հայտարարել էին, որ կաջակցեն արտահերթը պատշաճ անցկացնելուն, ունենային հնարավորություն ու գային դահլիճ: Ունենալով 69 մարդ, որոնք հայտարարել էին իրենց համաձայնությունը՝ աջակցելու, մասնակցեցին ընդամենը 57-ը: Միայն ազնիվ եղավ մի խմբակցություն, որն ի սկզբանե հայտարարեց, որ համաձայն չէ ու այդպես էլ մնաց, դա ՀՀԿ-ն էր»:

Տիգրան Ուրիխանյանը շարունակեց. «ՀՀԿ-ի պատգամավորներն են, որ դարձել են հրեշտակի պես հեղափոխական, գնում, իշխանության դռների առջև երդումներ են կազմակերպում ու հնարավորություն են ստանում և մեր գործընկերների, և մեր թիկունքից նախկին ընտրակարգով, հիմար ձևով ճողոպրելու խորհրդարան: Հարգելի ԱԺ նախագահը լավատեղյակ է, թե ո՞ր պատգամավորներն ինչո՞ւ չէին մասնակցում երեկվա քվեարկությանը: Հերիք է խաղեր անել ու ՀՀԿ-ին խորհրդարան մտցնելու ձևեր ստեղծել: ՔՊ-ի մեր գործընկերներին կոչ եմ անում օգնել ժողովրդին»:

| | |
4425 | 5