Առնվազն 3 պայթյուն է որոտացել այսօր Աֆղանստանի մայրաքաղաք Քաբուլում, որտեղ անցկացվում են երկրի խորհրդարանի ստորին պալատի ընտրությունները, հաղորդում է РИА Новости-ն:
Զոհերի և տուժածների մասին տեղեկություններ չեն հաղորդվում: Ընդ որում, նշվում է, որ ընտրական գործընթացին պայթյունները չեն ազդի:
Ընտրությունների հետ կապված խաղաղ բնակիչների հասցեին ավելի վաղ սպառնալիքներ էր հնչեցրել «Թալիբան» ծայրահեղական շարժումը:
Փորձագետների խոսքով՝ ընտրություններին քիչ թվով մարդիկ կմասնակցեն ոչ միայն ընտրական գործընթացին քաղաքացիների անվստահության, այն նաև անվտանգության պատճառով: