ԱՄՆ նախագահ Դոնալդ Թրամփի վարչակազմը ժամանակավորապես չեղարկել է «Ռոսկոսմոս»-ի ղեկավար Դմիտրի Ռոգոզինի նկատմամբ սահմանած պատժամիջոցները, հաղորդում է ТАСС-ը:
Վաշինգթոնը պատժամիջոցներ էր սահմանել Ռոգոզինի նկատմամբ 2014թ., երբ վերջինը զբաղեցնում էր Ռուսաստանի փոխվարչապետի պաշտոնը:
Օդագնացության և տիեզերական տարածության հետազոտությունների ազգային գործակալության՝ NASA-ի ղեկավար Ջիմ Բրայդենստայնի խոսքով՝ պատժամիջոցների ժամանակավոր չեղարկումը կապված է Միացյալ Նահանգներ «Ռոսկոսմոս»-ի ղեկավարի սպասվելիք այցի հետ:
«NASA-ն խնդրել է չեղարկել պատժամիջոցները, որպեսզի ռուսական կորպորացիայի նախագահը կարողանա այցելել Միացյալ Նահանգներ և հանդիպել ամերիկացի գործընկերների հետ: Բացի այդ, ես կցանկանայի, որպեսզի նա հետագայում ինձ հետ այցելի Ռայսի համալսարան»,- ասել է NASA-ի ղեկավարը: