Խնդրում ենք սպասել...
ԱՐՑԱԽ.news ԼՐԱՏՎԱԿԱՆ
Այսօր`  հինգշաբթի, 18 ապրիլի, 2019 թ.

Իրադարձություններ

Հոկտեմբերի 19-31-ը կկայանա «Մշակութային դեսպան» ֆոլկլոր պարի միջազգային փառատոնը

22:15, ուրբաթ, 19 հոկտեմբերի, 2018 թ.
Հոկտեմբերի 19-31-ը կկայանա «Մշակութային դեսպան» ֆոլկլոր պարի միջազգային փառատոնը

«Ապագայի կամուրջներ» կրթամշակութային կենտրոն ՀԿ-ի նախաձեռնությամբ և ՀՀ մշակույթի նախարարության աջակցությամբ իրականացվող «Արվեստը հանուն խաղաղության» ծրագրի շրջանակներում՝ 2018 թ-ի հոկտեմբերի 19-31-ը կկայանա «Մշակութային դեսպան» ֆոլկլոր պարի միջազգային փառատոնը։

Խաղաղասիրական ուղղվածությամբ այս նախաձեռնության գերնպատակն է արվեստի, մշակույթի և հատկապես պարարվեստի միջոցով միջմշակութային երկխոսություններ ամրապնդել և նոր կապեր զարգացնել Հայաստանի և այլ երկրների միջև, կարևորել և արժևորել մշակութային դիվանագիտության դերը համընդհանուր խաղաղապահության գործում։
     Որպես առաջինը իր տեսակի մեջ՝ փառատոնը մրցութային չէ և այս տարի փառատոնին հրավիրված են մենապարողներ Սլովակիայից, Սերբիայից, Ռումինիայից, Հունաստանից, Վրաստանից և Աֆրիկայից։
     Հայաստանը կներկայացնի «Սասնա Ծռեր» ազգագրական պարային համույթը։
     Փառատոնը անց է կացվելու Երևանում և ՀՀ 5 մարզերում, որտեղ հանդիպումներ և համատեղ վարպետաց դասեր կկազմակերպվեն արտերկրից ժամանած արտիստների և ՀՀ մարզերի պարողների, մշակութային խմբերի և արվեստասեր բնակչության մասնակցությամբ։
     Փառատոնի՝ «Պարում ենք Նոյի երկրում» Խորագիրը կրող գալա-համերգը տեղի կունենա հոկտեմբերի 25-ին, ժ. 19:00-ին, Արամ Խաչատրյան համերգասրահում:

| | |
1715 | 0
Facebook