Խնդրում ենք սպասել...
COMMENT.am
Այսօր`  երկուշաբթի, 19 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Իրադարձություններ

Անահիտ Բախշյանի բաց նամակը՝ Արմավիրի նորանշանակ մարզպետին

16:20, հինգշաբթի, 18 հոկտեմբերի, 2018 թ.
Անահիտ Բախշյանի բաց նամակը՝ Արմավիրի նորանշանակ մարզպետին

Շնորհավորում եմ Ձեզ՝ Արմավիրի մարզպետի պաշտոնում նշանակվելու կապակցությամբ: Մաղթում եմ լինեք աներեր ՀՀ օրենքների պահանջների նկատմամբ, Ձեր արդարամտությամբ որքան հնարավոր է արագ ընդունվեք մարզի քաղաքացիների կողմից: Կներեք, որ Ձեր աշխատանքային առաջին օրով Ձեզ այս նամակն եմ հղում:

Դուք ստանձնել եք մի մարզի կառավարման պատասխանատվությունը, որի ուսումնական հաստատություններում, մասնավորապես դպրոցների տնօրենների գործունության մեջ առկա են բազմաթիվ արձանագրված խախտումներ ու նույնիսկ քրեական գործեր են հարուցվել:

ՀՀ «Հանրակրթության մասին» օրենքի 31-րդ հոդվածը 7 կետով հստակ սահմանում է Մարզպետի իրավասությունները, որոնցով Դուք պարտավոր եք առաջնորդվել: Մասնավորապես, մարզպետը

2) վերահսկում է ուսումնական հաստատությունների կողմից Հայաստանի Հանրապետության կրթության մասին օրենսդրության և կրթության պետական կառավարման լիազորված մարմնի ընդունած նորմատիվ ակտերի կատարումը, կրթական ծրագրերի իրականացումը` հանրակրթության պետական չափորոշչին համապատասխան:

4) ապահովում է պետական ուսումնական հաստատություններին օգտագործման իրավունքով հանձնված շենքերի կառուցումը, շահագործումը և պահպանումը»:

Ինչի՞ մասին է խոսքը, ս.թ. հուլիսի 24-ին մարզի Հացիկ գյուղի դպրոցի տնօրենի նկատմամբ հարուցվել է քրեական գործ, որտեղ գրված է, բառացի մեջբերում եմ. «Հացիկ գյուղի Ավ. Բաղդասարյան անվան միջնակարգ դպրոցի տնօրեն Տաթևիկ Մկրտչյանը չարաշահել է իր պաշտոնեական լիազորությունները, մասնավորապես, շահադիտական, անձնական այլ շահագրգռվածությունից ելնելով դպրոցի շարժական ու անշարժ գույքի, ֆինանսական միջոցների հետ կապված նախաձեռնել և իրականացրել է ապօրինի գործարքներ, ներառական կրթության ոլորտի մասնագետների և դպրոցի տնօրենի օգնականի նշանակման հարցում դրսևորել է անձնական և խմբային շահագրգռվածություն, իսկ 2017 թ.-ի սեպտեմբերի ամսին Նելլի Մնացականյանից անձամբ շորթմամբ պահանջել և ստացել է 1000 ԱՄՆ դոլար կաշառք՝ հակառակ դեպքում սպառնալով ազատել խոհարարի աշխատանքից»: Հավելեմ այն, ինչ քննիչը չի արձանագրել: Հանրակրթական ուսումնական հաստատության մանկավարժական աշխատողների պաշտոնների անվանացանկում գոյություն չունի «տնօրենի օգնական» հաստիք, սակայն այդ դպրոցի գործող տնօրենի հայրը, ով դպրոցի նախկին տնօրենն է եղել, աշխատում է այդ պաշտոնում ու ստանում 110000 դրամ աշխատավարձ այն դեպքում, երբ մանկավարժները չեն վարձատրվում գրավոր աշխատանքների և այլ լրացուցիչ աշխատանքների համար: 2016 թվականին Տաթևիկ Մկրտչյանն իր հայրիկից հետո սկզբից նշանակվել է տնօրենի ժամանակավոր պաշտոնակատար, հետո՝ տնօրեն ու ըստ մանկավարժ Գայանե Վարդանյանի, դպրոցում տեղյակ չեն եղել տնօրենի մրցույթի հայտարարության, կառավարման խորհրդի այն նիստի մասին, որի ժամանակ տնօրեն է ընտրվել Տաթևիկ Մկրտչյանը:

Պարոն մարզպետ, տնօրենը շարունակում է պաշտոնավարել, երբ իր նկատմամբ հարուցված գործով նախաքննություն է իրականացվում: Վստահ եմ, որ Դուք շահագրգռված եք մարզում հաստատել Օրենքի իշխանություն և որպես նորանշանակ ու շատ երիտասարդ մարզպետ, ուզում եք մարզում կարգ ու կանոն հաստատել: Հետևաբար, Օրենքի պահանջով, մարզի դատախազի միջնորդությամբ Դուք կարող եք ժամանակավորապես դադարեցնել գործող տնօրենի լիազորություններն ու քննչականին առաջարկել հնարավորինս արագացնել նախաքննության ավարտը, որոնք 3 ամիս է մնացել են քննչական մարմինների դարակներում, տնօրենը շարունակում է պաշտոնավարել, որը վնասում է նախաքննության օբյեկտիվ ընթացքին: Շնորհակալություն համագործակցության համար:

| | |
3466 | 0