Ադրբեջանի ԱԳՆ-ն մտադիր է «սև ցուցակում» ներառել Արցախ այցելած Ֆրանկոֆոնիայի մամուլի միջազգային միության 3 լրագրողի:
Հոկտեմբերի 11-12-ը Երևանում անցկացված Ֆրանկոֆոնիայի միջազգային կազմակերպության 17-րդ գագաթնաժողովի շրջանակներում Ֆրանկոֆոնիայի մամուլի միջազգային միության ներկայացուցիչները ճանաչողական այցով Արցախում էին:
Ադրբեջանի ԱԳՆ-ի հայտարարության համաձայն՝ «անօրինական այցի» մասնակիցներն են Ժան Քուշները, Ֆրանսուա Դոսթն ու Հադիջա Ռիդուան:
Հիշեցնենք, որ ավելի վաղ նույն «սև ցուցակում» էին հայտնվել Արցախ այցելած ռուսաստանցի կանայք: