Իրադարձություններ

«Մարդիկ պահանջում են, որ կառավարությունը քայլեր ձեռնարկի իրենց բարեկեցությունը բարձրացնելու համար, բայց արդյոք բոլոր մարդիկ ամեն ինչ անո՞ւմ են իրենք իրենց բարեկեցությունն ապահովելու համար: Վախենամ, այս հարցի պատասխանը միշտ չէ, որ դրական է: Շատ տեղերում մենք կարող ենք տեսնել մարդկանց, որոնք օրեր են անցկացնում թաղային «բեսեդկաներում» և ասում են՝ մի գործ լիներ, աշխատեինք»,- այսօր հայտարարել է ՀՀ վարչապետի պաշտոնակատար Նիկոլ Փաշինյանը՝ Սպորտի և երիտասարդության հարցերի նախարարությունում՝ նորանշանակ նախարարի պաշտոնակատար Գաբրիել Ղազարյանին ներկայացնելիս:

Փաշինյանը նշել է, որ մարդիկ ունեն և պետք է ունենան պահանջներ կառավարությունից, սակայն այդ պահանջները հնարավոր չի լինի իրագործել, եթե նույնպիսի պահանջկոտությամբ չեն վերաբերում իրենց ունեցած հարկային պարտավորություններին: