Կանադան դարձել է աշխարհի երկրորդ և «Մեծ յոթնյակի» առաջին երկիրը, որն ամբողջովին օրինականացրել է մարիխուանան՝ առողջական նպատակներով, փոխանցում է BBC-ն:
Մարիխուանան առաջինն օրինականացրել է Ուրուգվայը 2013թ.-ին:
Այսուհետ Կանադայի՝ 18 տարեկանից բարձր բոլոր քաղաքացիները կարող են գնել, վաճառել և պահել, նույնիսկ աճեցնել մարիխուանա իրենց տանը: Կարելի է պահել մինչև 30 գրամ, և աճեցնել՝ 4 բույսից ոչ ավելի:
Համապատասխան օրենքի ընդունման օգտին է քվեարկել 52 սենատոր, դեմ՝ 29-ը:
Նոր օրենքի քննադատները վստահություն են հայտնել, որ ոստիկանությունը պատրաստ չէ իրավիճակներին, որոնք կարող են թմրանյութի օրինականացման ուղիղ հետևանք դառնալ: Իսկ օրենքի կողմնակիցներն ասում են, որ նոր իրավիճակը կօգնի պայքարել սև շուկայի դեմ: