Ամերիկյան The Hill պարբերականը հոդված է հրապարակել՝ նվիրված նախկին սովետական հանրապետություններում, այդ թվում՝ Հայաստանում, Ռուսաստանի ազդեցության աճին:
Հոդվածագրի՝ Atlantic Council գիտական կենտրոնի ավագ աշխատակից Ջեյմս Քոյլի խոսքով՝ Ռուսաստանը ցուցադրում է իր ռազմական հնարավորությունները հետխորհրդային տարածքում, իսկ ԱՄՆ-ը շարունակում է կորցնել գլոբալ ազդեցությունը:
Հայաստանը, ինչպես ասվում է հոդվածում, մնում է Ռուսաստանի ազդեցության տակ՝ չնայած երկրում տեղի ունեցած քաղաքական փոփոխություններին:
«Մոսկվան մեծ դեր է խաղում հայկական տնտեսության մեջ: Կար հույս, որ անկախ առաջնորդ Նիկոլ Փաշինյանի օրոք Հայաստանը կշրջվի դեպի ժողովրդավարական Արևմուտքը»,- գրում է Քոյլը՝ նշելով, որ ՀՀ նոր իշխանություններն առաջնահերթ են համարում Ռուսաստանի հետ հարաբերությունները:
Հոդվածում ասվում է նաև Վրաստանում և Ադրբեջանում Ռուսաստանի ազդեցության մասին՝ չնայած ռուս-վրացական հակամարտությանն ու Ադրբեջանի հետ հարաբերություններում որոշ հակասություններին: