«Comedy club» հաղորդաշարի եթերում կայացավ երգչուհի Իվետա Մուկուչյանի եռագրության առաջին մասի պրեմիերան, որը կրում է «Մարգո» խորագիրը։ Տեսահոլովակի ինչպես առաջին հատվածը, այնպես էլ ողջ եռագրությունը նկարահանվել է Հարավային Աֆրիկայում։
Երաժշտական կոմպոզիտորն Իվետա Մուկուչյանն է և Բրեդ Քլերլին, գործիքավորումն իրականացրել է Պաբլո Մատեոն (Բեռլին), երաժշտական ձևավորումն ու համագործիքավորումը` Դեիմոս Վիրգիլիտտոյի, միքս և մասթերինգն իրականացրել է Լևոն Նավասարդյանը: Տեսահոլովակի ռեժիսորը Նիք Էվին է, պրոդյուսերներ` Ֆիլիպ Քաշմարեկ, Բրեդ Քլերլի ևԻվետա Մուկուչյան։ Ողջ արտադրությունն իրականացրել է «Մուկուչյան փրոդաքշն»-ը։
Եռագրությունն ներկայացնում է Իվետա Մուկուչյանի անձնական պատմություններից հատվածներ, զգացողություններ, որոնք երգչուհու համար կարևոր են այնքան, որ վերջինս ցանկություն է ունեցել ներկայացնելու նաև հանրության լայն շերտերին, իր երկրպագուներին։
Եռագրության երկրորդ և երրորդ հատվածները կներկայացվեն առաջիկայում եւ կապահովեն թեմայի ակտիվ զարգացումը։