ՀԱՊԿ անդամ երկրները շարունակում են ինտենսիվ խորհրդատվությունները՝ կազմակերպության գլխավոր քարտուղար Յուրի Խաչատուրովի փոխարինման հարցի շուրջ: Այս մասին, РИА Новости-ի հաղորդմամբ, ասել է Ղազախստանի արտաքին գործերի նախարար Քայրաթ Աբդրահմանովը:
Նրա խոսքով՝ այդ հարցի լուծումը պետք է ընդունելի լինի կազմակերպության բոլոր անդամների համար:
Աբդրահմանովը նշել է, որ այդ ուղղությամբ աշխատանքներ են տարվում որևէ հետևանքից խուսափելու և ՀԱՊԿ-ի բնականոն գործունեության համար: «Վստահ եմ՝ ՀԱՊԿ-ի համար այդ կապակցությամբ որևէ հետևանք չի լինի»,- հավելել է Ղազախստանի արտաքին գործերի նախարարը: