Դիլիջանի թունելում բռնկված հրդեհը 13:09-ին մարվել է. այս մասին ֆեյսբուքյան իր էջում տեղեկացրել է ԱԻՆ մամուլի քարտուղար Սաթենիկ Ասիլյանը։
«Դիլիջանի թունելում այրվում է բեռնատար ավտոմեքենա: Այս պահին հրդեհն արդեն մեկուսացվել է: Դեպքի վայրում աշխատում են ՀՀ ԱԻՆ-ը և Ոստիկանությունը: Թունելը երկկողմանի փակ է»,- գրել է նա:
Օգտատեր Զոհրապ Եգանյանն էլ տեսանյութ է հրապարակել դեպքի վայրից:
Հիշեցնենք, որ այսօր ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացրել էր, որ Դիլիջանի թունելում վրացական պետհամարանիշով ծանրաքաշ ավտոմեքանան է այրվում, ինչի հետևանքով թունելը երկկողմանի փակ է։