ՌԴ նախագահ Վլադիմիր Պուտինը կարճատև աշխատանքային այցով գտնվում է Բաքվում, որտեղ բանակցություններ կվարի Ադրբեջանի նախագահ Իլհամ Ալիևի հետ:
Պուտինն ու Ալիևը երկկողմ հանդիպում կանցկացնեն և հանդես կգան ռուս-ադրբեջանական միջտարածաշրջանային IX համաժողովի լիագումար նիստի շրջանակներում, ավելի ուշ երկու երկրների ղեկավարները ներկա կգտնվեն ձյուդոյի աշխարհի առաջնության եզրափակիչ փուլին և կշփվեն մարզիկների հետ:
Բաքվում միջոցառումներից հետո Պուտինը կայցելի Դուշանբե, որտեղ մեկնարկում է ԱՊՀ երկրների ղեկավարների երկօրյա հանդիպումը: