Եվրասիական տնտեսական միությունը (ԵԱՏՄ) երկու տարի հետո Առևտրի համաշխարհային կազմակերպությունում (ԱՀԿ) կարող է դիտորդի կարգավիճակ ստանալ: Այս մասին ТАСС-ին տված հարցազրույցում ասել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
«Նախ մենք պետք է ստանանք մեր երկրների համաձայնությունը, ապա այդ առաջարկը ներկայացնենք պետությունների ղեկավարներին: Այն բանից հետո, երբ ստացվի համաձայնությունը, կդիմենք ԱՀԿ-ին: Կարծում եմ՝ առավելագույնը երկու տարի»,- ասել է նա:
Սարգսյանը նշել է, որ ԵԱՏՄ 5 անդամ երկրներից 4-ը ԱՀԿ լիիրավ անդամ են:
«Եվ քանի որ թե՛ Ղրղզստանը, թե՛ Հայաստանը նախ եղել են ԱՀԿ-ի անդամներ, այնուհետև դարձել ԵԱՏՄ-ի մասնակիցներ, ապա այստեղ որոշակի հարցեր են ծագում»,- հավելել է Տ. Սարգսյանը: