Խնդրում ենք սպասել...
COMMENT.am
Այսօր`  կիրակի, 16 դեկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Համացանց

Ո՞ր հարցերին չանդրադարձավ Փաշինյանը. պարզաբանում է Սուրեն Սարգսյանը

13:30, չորեքշաբթի, 26 սեպտեմբերի, 2018 թ.
Ո՞ր հարցերին չանդրադարձավ Փաշինյանը. պարզաբանում է Սուրեն Սարգսյանը

Քաղաքագետ Սուրեն Սարգսյանը ֆեյսբուքյան իր էջում գրել է.

«Փաշինյանի առաջին ելույթը ՄԱԿ-ում.

Փաշինյանի ելույթը անգլերեն/ֆրանսերեն էր, ՄԱԿ-ի պաշտոնական լեզուներն ու ֆրանկոֆոն Հայաստանի ուղերձը։
     Կարճ անդրադարձավ հեղափոխությանը, դրա սկզբին, ընթացքին և հետևանքներին։

Շեշտեց, որ Հայաստանը փոփոխություններ չի անելու արտաքին քաղաքականության մեջ և մի պետության հաշվին մյուսի հետ «ընկերություն» չի անելու։ Խոսեց խաղաղապահների մասին, որ Հայաստանը տրամադրում է ՄԱԿ-ին, իհարկե, անդրադարձավ Սիրիայում հայկական ներգրավվածությանը, նշելով, որ դա արվում է մեր համայնքի համար և ունի մարդասիրական բնույթ։ Խոսեց Արցախի մասին` որպես արտաքին քաղաքականության կարևոր մարտահրավեր և նշեց, որ Բաքուն պետք է ուղիղ խոսի Ստեփանակերտի հետ։ Հետաքրքիր է, որ չանդրադարձավ այն թեզին, որ չի պատրաստվում բանակցել Արցախի փոխարեն, բայց շեշտեց, որ Հայաստանը շարունակելու է մասնակցել բանակցային գործընթացին ՄԽ շրջանակներում։

Խոսեց ՄԱԿ օրակարգի և դրանում Հայաստանի ներգրավվածության մասին։ Իհարկե խոսեց ցեղասպանության մասին՝ մարդու իրավունքների համատեքստում։
     Անկեղծ ասած սպասում էի որևէ ուղերձ լսել հայ-թուրքական հարաբերությունների մասով, բայց չտվեց։ Տարածաշրջանային մարտահրավերներին չանդրադարձավ, Հայաստանի շրջափակմանը, բոլոր տնտեսական նախագծերը Հայաստանին շրջանցելու հարցին չանդրադարձավ»։

| | |
4325 | 0
Ideal համակարգ