Քաղաքապետի առաջիկա ընտրություններն ակտիվացրել են ներքաղաքական անցուդարձը: Վերջին օրերին այդ անցուդարձին սկսել են մասնակցել նաև որոշ հանրապետականներ: Ասում են, որ նախկին քաղաքապետ Տարոն Մարգարյանը հավաքել է իր աջակիցներին և հրահանգել, որպեսզի վերջիններն աջակցեն և սկսեն աշխատել Ծառուկյանի թեկնածուի համար: Ասում են նաև, որ տարոնականներն արդեն ակտիվորեն շրջում են Ծառուկյանի նախընտրական շտաբերում և տեղեկացնում, թե քանի ընտրող կարող են բերել և ովքեր են սոցիալապես անապահով: