Սեպտեմբերի 7-ին Սանկտ Պետերբուրգում Նևսկի պողոտայում «Գարուն» շարժումն ակցիա է անցկացրել՝ բողոքելով ՌԴ-ում կենսաթոշակային տարիքի բարձրացման դեմ:
Ակցիայի մասնակից տարեց կանայք իրենց ուսերին քարշ են տվել սայլակի վրա նստած «Պուտինին»: «Սա, այսպես կոչված, «կենսաթոշակային բարեփոխումների» իրական պատկերն է: Հոգնած ու աղքատ մարդիկ առանց հանգստի քարշ են տալիս ծանր բեռը, այնինչ այդ նույն ժամանակ իշխանություննեը գռփում են բյուջեն, մարդկանց հալածում են նորանոր օրենքներով, հարկերով ու սահմանափակւոմներով»,- իրենց պերֆորմանսն այսպես են բացատրել ակցիայի մասնակիցները:
Ակցիայի ընթացքում կիսամերկ տղամարդը՝ Պուտինի դիմակով, մտրակով հարվածել է իրեն իրենց ուսերին տանող կանանց ու անցորդներին մանրադրեմներ նետել: «Պուտինի» սայլակին փակցված են եղել նաև կենսաթոշակային բարեփոխումներին կողմ պատգամավորների լուսանկարները: