Թրամփը 2017-ին հանձնարարել է սպանել Ասադին. The Washington Post
 ԱՄՆ նախագահ Դոնալդ Թրամփն անցյալ տարի պահանջել էր պաշտպանության նախարար Ջեյմս Մեթիսից սպանել սիրիական առաջնորդ Բաշար Ասադին: Այս մասին գրված է «Վախ` տխրություն Սպիտակ տանը» գրքում, գրել է The Washington Post-ի խմբագիր Բոբ Վուդվորդը. գրքի հատվածները հրապարակվում են հրատարակության կայքում: Լenta.ru-ն մեջբերում է գրքից հատվածներ. «Եկեք ***** սպանենք նրան: Եկեք սպանենք նրանց ***** որքան հնարավոր է շատ»,- ասել է Թրամփը: Վուդվորդի խոսքով՝ Թրամփը զայրացած է եղել սիրիական Դումա քաղաքում իրականացված քիմիական հարձակման մասին լուրերից հետո և Պենտագոնի ղեկավար Ջեյմս Մեթիսից պահանջել է սպանել Ասադին: Հեռախոսազրույցում Մեթիսը համաձայնվել է կատարել նախագահի հրամանը, սակայն խոսափողը դնելուց հետո իր օգնականին ասել է, որ ինքը չի գնա նման քայլի և ԱՄՆ-ն ավելի շատ հավասարակշռված որոշումներ կկայացնի: Արդյունքում նախագահին առաջարկվել է Սիրիայի վրա օդային հարվածների տարբերակ, պլանն ընդունվել է: Հետագայում Սպիտակ տունը հանդես է եկել հատուկ հայտարարությամբ, որով կոչ է արել Վուդվորդի գիրքն անվանել կեղծիքների պատմվածքներ, որը փորձ է անում նախագահին «վատ լույսի» ներքո ներկայացնել: Ամերիկացի առաջնորդը բազմիցս խոսել է մամուլի կեղծիքի մասին և դրանք անվանել կեղծ նորություններ, որոնք բառացիորեն նշանակում են «կեղծ լուր»: 2017 թ. փետրվարին նա հայտարարեց, որ լրագրողները ժողովրդի թշնամիներն են: The New York Times-ը, CNN-ում, ABC-ը, CBS-ը և NBC News-ը, ըստ Թրամփի, ամենակեղծ լրատվամիջոցներն են: |
