Ադրբեջանի նախագահ Իլհամ Ալիևը հայտարարել է, որ ՌԴ նախագահ Վլադիմիր Պուտինի հետ հանդիպման ընթացքում կքննարկի հայ-ադրբեջանական հակամարտության կարգավորման հարցը, այս մասին հայտնում է РИА Новости-ն:
«Իհարկե, այսօր մենք կքննարկենք նաև հայ-ադրբեջանական, Ղարաբաղյան հակամարտության և տարածաշրջանի հետ կապված հարցեր: Օրակարգը բավական լայն է», - ասել է Ալիևը Պուտինի հետ հանդիպման ընթացքում:
Նա վստահություն է հայտնել, որ հանդիպումը խթան կհանդիսանա երկու երկրների միջև հարաբերությունների զարգացման համար: