Դոնեցկի կենտրոնում այսօր երեկոյան պայթյուն է որոտացել, մի շարք ԶԼՄ-ների հաղորդմամբ՝ զոհվել է այսպես կոչված «ԴԺՀ»-ի ղեկավար Ալեքսանդր Զախարչենկոն:
Ռուսաստանի աջակցությունը վայելող անջատողականների առաջնորդի մահը հաստատել են նաև ռազմական մեկնաբան Սեմյոն Պեգովը և Դոնեցկի բլոգեր Ալեքսանդր Ժուչկովսկին: Զախարչենկոյի մահվան մասին են հայտնում նաև մի շարք ռուսական ԶԼՄ-ներ:
Հաղորդվում է, որ պայթյունը որոտացել է «Սեպար» ռեստորանում՝ Դոնեցկի սրտում, «ԴԺՀ»-ի առաջնորդի առանձնատնից քիչ հեռու:
Անջատողականների մեկ այլ առաջնորդ Ալեքսանդր Տիմոֆեևը վիրավոր է: