Թուրքիայի արտգործնախարար Մևլյութ Չավուշօղլուն պատասխանել է ռուսական С-400 զենիթահրթիռային համակարգերի ձեռքբերումից հրաժարվելու՝ ամերիկյան կողմի կոչերին, հաղորդում է Hurriyet-ը:
Ավելի վաղ նման կոչով հանդես էին եկել ամերիկացի կոնգրեսականները:
«Մենք պարտավոր ենք պաշտպանել մեր օդային տարածքը: Դա մեր պարտքն է: Եվ նրանք պետք է դա հասկանան: Կարո՞ղ է ԱՄՆ-ը երաշխիք տալ մեզ՝ կապված Patriot համակարգերի վաճառքի հետ»,- ասել է Չավուշօղլուն:
Բացի այդ, նա հիշեցրել է, որ ԱՄՆ-ը հրաժարվում է մատակարարել Թուրքիային ամերիկյան F-35 5-րդ սերնդի կործանիչները: Թուրքիայի արտգործնախարարն ԱՄՆ-ին կոչ է արել «հրաժարվել սպառնալիքների լեզվից»:
«Եթե նրանք ասում են, որ կարող են անել ամեն ինչ, ինչպես կովբոյների ֆիլմերում, ապա պատասխան կստանան»,- հավելել է Չավուշօղլուն: