Ստամբուլի Շիշլի հայաշատ շրջանի նախկին քաղաքապետ, ընդդիմադիր «Ժողովրդահանրապետական» կուսակցության անդամ Մուստաֆա Սարըգյուլը ՀՀ վարչապետ Նիկոլ Փաշինյանի հայտարարությունը «պատմական հնարավորություն» է անվանել: Այս մասին նա գրել է Twitter-ի իր էջում:
ՀՀ վարչապետը Սանկտ Պետերբուրգում օրեր առաջ հայտարարել էր, որ Հայաստանը պատրաստ է առանց նախապայմանների երկխոսության գնալ Թուրքիայի հետ։
«ՀՀ վարչապետ Փաշինյանը հայտարարեց, որ Հայաստանը պատրաստ է դիվանագիտական հարաբերություններ հաստատել Թուրքիայի հետ առանց նախապայմանների: Հայաստանի մեկնած ձեռքը պետք է դիտարկել որպես պատմական հնարավորություն»,- գրել է Սարըգյուլը` նկատի ունենալով Լեռնային Ղարաբաղի հակամարտության կարգավորման հարցով միջնորդ դառնալու հնարավորությունը: