ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ռուսաստանը ողջունում է Լեռնային Ղարաբաղի հարցով Երևանի և Բաքվի միջև շփումները, հաղորդում է РИА Новости-ն:
Բաքվում այսօր խորհրդակցություններ են անցկացվել Ռուսաստանի և Ադրբեջանի ԱԳՆ պաշտոնական ներկայացուցիչների միջև:
Նրա խոսքով՝ Ռուսաստանը՝ որպես միջնորդ երկիր, արդյունավետ և կառուցողական աշխատանք է տանում Լեռնային Ղարաբաղի հակամարտության կարգավորման հարցում:
«Ռուսաստանը հիանալի գիտակցում է այդ թեման: ԼՂ հարցով հանդիպումներ են տեղի ունենում տարբեր մակարդակներով: Մենք ողջունում ենք Երևանի և Բաքվի միջև շփումները, որոնց մասին համաձայնության են հասնում երկու կողմերը, և որոնք ընթանում են կառուցողական մթնոլորտում»,- ասել է Զախարովան: