Ռուս հայտնի պրանկերներ Վլադիմիր Կուզնեցովը (Վովան) և Ալեքսեյ Ստոլյարովը (Լեքսուս) ՀՀ վարչապետ Նիկոլ Փաշինյանի անունից խորոված ուտելու են հրավիրել Եվրոհանձնաժողովի ղեկավար Ժան Կլոդ Յունկերին և զրուցել ԵՄ դիվանագիտության ղեկավար Ֆեդերիկա Մոգերինիի հետ:
Յունկերի հետ «Փաշինյանը» քննարկել է միջազգային իրավիճակը, ինչպես նաև նրան հրավիրել Երևան՝ խորոված ուտելու, հաղորդում է РИА Новости-ն: Հեռախոսազրույցի ընթացքում «Փաշինյանը» բողոքել է ԱՄՆ-ի ճնշումներից:
«Թրամփը չի հասկանում, թե ինչ է կատարվում: Մենք պետք է վստահ լինենք, որ նա կսկսի ավելի լավ գիտակցել Հայաստանում տեղի ունեցող իրադարձությունները»,- ասել է Յունկերն ու հաջողություններ մաղթել:
Յունկերը նաև խոստովանել է, որ «վատ չի հնչում» խորոված ուտելու հրավերը և խոստացել է մյուս տարի Հայաստան գալ:
Իսկ ԵՄ դիվանագիտության ղեկավար Ֆեդերիկա Մոգերինին խորհուրդ է տվել ՀՀ նոր իշխանություններին լավ հարաբերություններ բոլոր գործընկերների հետ: