Խնդրում ենք սպասել...

Միջազգային

Ռուս կատակասերները զանգահարել են Մեծ Բրիտանիայի ԱԳՆ ղեկավար Բորիս Ջոնսոնին և ներկայացել որպես Հայաստանի վարչապետ Նիկոլ Փաշինյան

21:05, հինգշաբթի, 24 մայիսի, 2018 թ.
Ռուս կատակասերները զանգահարել են Մեծ Բրիտանիայի ԱԳՆ ղեկավար Բորիս Ջոնսոնին և ներկայացել որպես Հայաստանի վարչապետ Նիկոլ Փաշինյան

Ռուս պրանկերներ Վլադիմիր Կուզնեցովն ու Ալեքսեյ Ստոլյարովն ովքեր հայտնի են որպես Վովան և Լեքսուս, զանգահարել են Մեծ Բրիտանիայի ԱԳՆ ղեկավար Բորիս Ջոնսոնին և ներկայացել որպես Հայաստանի վարչապետ Նիկոլ Փաշինյան: Այս քայլը նրանք հումոր են որակել և 18-րոպեանոց խոսակցության ձայնագրությունը հրապարակել համացանցում: ՀՀ վարչապետի անունից պրակերները խորհուրդ է հարցնում Ջոնսոնից, թե ինչպես բանակցել Պուտինի հետ, մանավանդ որ ինքը վախենում է, թե իրեն կթունավորեն։ Ջոնսոնը Փաշինյանին մի քանի խորհուրդ է տվել, թե ինչպես պետք է շփվել Վլադիմիր Պուտինի հետ:
     «Ռուսներն ընկալում են միայն վճռականությունն ու կոշտությունը: Դրա համար դուք պետք է Պուտինին հստակ ներկայացնեք ձեր մտադրությունները, նաև այն, թե ինչպես եք տեսնում Հայաստանի ապագան: Սակայն, դուք պետք է նշեք, որ դա նրա հետաքրքրությունների համար սպառնալիք չի ներկայացնում և նա դրա համար նյարդայնանալու կարիք չունի», - հայտարարել է Ջոնսոնը:
     Փաշինյանին նմանակողը կատակել է, որ չէր ցանկանա Պուտինի հետ հանդիպման ժամանակ թունավորվել «Նովիչոկով»: Ի պատասխան՝ Ջոնսոնը ծիծաղել է:

Նրանք Բ. Ջոնսոնի հետ քննարկել են Ռուսաստանի մասնակցությունը ՌԴ ԳՀՎ նախկին գնդապետ Սերգեյ Սկրիպալի և նրա դստեր թունավորման, լրագրող Քսենիա Սոբչակի լոնդոնյան այցի, Ռուսաստանի հետ Հայաստանի հարաբերություններին վերաբերող հարցեր:

Կատակի վերջում Ջոնսոնը կռահել է, որ չի շփվում է ՀՀ վարչապետ Նիկոլ Փաշինյանի հետ և վայր է դրել լսափողը:

Ավելի ուշ պրանկերները խոստովանել են, որ կարճ ժամանակվա ընթացքում են զանգին պատրաստվել և Ջոնսոնի հետ կապվել են նրա տեղակալի միջոցով։ Պրանկեր Լեքսուսը նշել է, որ Ջոնսոնը խելացի դիվանագետ է ու մտավորական։

Ռուս կատակասերները զանգահարել են Մեծ Բրիտանիայի ԱԳՆ ղեկավար Բորիս Ջոնսոնին և ներկայացել որպես Հայաստանի վարչապետ Նիկոլ Փաշինյան
15479 | 2
Facebook