«Չեմ կարծում, որ այս Ազգային ժողովն այն Ազգային ժողովն է, որ չի կարող իրականացնել երկրի առջև ծառացած խնդիրները: ՀՀԿ-ն ԱԺ արտահերթ ընտրությունների անհրաժեշտություն չի տեսնում: Պետք է լինի իրավական ու քաղաքական նպատակահարմարություն: Մի բան էլ ասեմ, Սահմանադրությունն ու Աժ ընտրությունը պատվերով համերգ չեն»,- լրագրողների հետ ճեպազրույցում ասել է ԱԺ փոխնախագահ Էդուարդ Շարմազանովը:
«Մենք հարգում ենք գործադիր իշխանության կարծիքը, բայց չենք լինելու կառավարության կցորդը, լինելու ենք կառավարության գործընկերն ու արհեստականորեն չենք խոչընդոտելու Փաշինյանի կառավարության աշխատանքները»,- հավելել է ՀՀԿ խոսնակը:
Ավելի վաղ ՀՀ վարչապետ Նիկոլ Փաշինյանը կարծիք էր հայտնել, որ ԱԺ արտահերթ ընտրությունները կլինեն այս տարի: