Եվրասիական տնտեսական միությունն ու Իրանն ազատ առևտրի գոտու ստեղծման մասին ժամանակավոր համաձայնագիր են կնքել, հաղորդում է «РИА Новости»-ն:
ԵԱՏՄ-ի և Իրանի միջև ժամանակավոր համաձայնագիրը ենթադրում է մի շարք ապրանքների մաքսատուրքերի զրոյացում կամ նվազում: Ակնկալվում է, որ դա թույլ կտա զգալիորեն մեծացնել անցած տարվա՝ 2,7 միլիարդ դոլարի չափով ցուցանիշով փոխադարձ առևտրի ծավալները:
«Ժամանակավոր համաձայնագիրը ենթադրում է մի շարք հարցերի արդյունավետ լուծում, այդ թվում՝ արբիտրաժ: Ինչպես նաև համատեղ հանձնաժողով է ստեղծվում կողմերի պաշտոնական անձանց բարձր մակարդակով, ստեղծվում է բիզնես երկխոսություն»,- հայտարարել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
ԵԱՏՄ կազմում են Ռուսաստանը, Բելառուսը, Հայաստանը, Ղազախստանն ու Ղրղզստանը: Այս տարի ԵԱՏՄ-ում նախագահում է Ռուսաստանը: