Հազարավոր պաղեստինցիներ են հավաքվել Գազայի հատվածի սահմանին, որտեղ այսօր կրկին սկսվել են ցուցարարների և Իսրայելի զինված ուժերի միջև բախումները, հաղորդում է The Times of Israel-ը:
Պաղեստինցի բժիշկները հայտնել են, որ բախումների հետևանքով 8 պաղեստինցի է վիրավորվել:
Իսրայելի ՊՆ ներկայացուցիչների խոսքով՝ զինվորականները մարտական փամփուշտներ, ինչպես նաև արցունքաբեր գազ են կիրառել:
Միևնույն ժամանակ, Իսրայելի բանակը հերքել է այն տեղեկությունները, որ մի քանի տասնյակ պաղեստինցիներ փորձել են անցնել սահմանը:
Նշենք, որ իսրայելցի զինվորականների և պաղեստինցիների միջև բախումները տեղի են ունենում արդեն 3-րդ շաբաթն անընդմեջ: