ՌԴ Պետդումայում ամերիկյան պատժամիջոցների դեմ պատասխան միջոցների մասին օրինագիծ է ներկայացվել: Փաստաթուղթը պատրաստել են Պետդումայի խոսնակ Վյաչեսլավ Վոլոդինն ու խորհրդարանական 4 կուսակցությունների առաջնորդներ, փոխանցում է ТАСС-ը:
«Օրինագիծը մշակվել է՝ որպես պատասխան միջոց Միացյալ Նահանգների, պաշտոնական անձանց մարտահրավերի, ոչ բարեկամական և ոչ կառուցողական գործողությունների, Ռուսաստանի Դաշնության և նրա քաղաքացիների ու իրավաբանական անձանց նկատմամբ պատժամիջոցների սահմանման»,- ասել է Վոլոդինը:
Նշվում է, որ Պետդումայի՝ պատասխան միջոցների մասին օրինագիծը ենթադրում է ԱՄՆ-ից ալկոհոլի, ծխախոտի, դեղորայքի, տեխնոլոգիաների և սարքավորումների սահմանափակում: