ԱՄՆ նախագահ Դոնալդ Թրամփը կրկին գրառում է կատարել Twitter-ի իր էջում՝ հայտնելով Սիրիայի ուղղությամբ հնարավոր հարվածի մասին: Նրա խոսքով՝ նա երբեք չի ասել, թե երբ հարված կհասցնի:
«Ես չեմ ասել, թե կոնկրետ երբ դա տեղի կունենա: Հնարավոր է՝ շատ շուտով կամ ոչ այդքան շուտով: Ամեն դեպքում, Միացյալ Նահանգներն իմ վարչակազմի օրոք մեծ աշխատանք են կատարել տարածաշրջանը ԴԱԻՇ-ից մաքրելու ուղղությամբ: Եվ ո՞ւր է ձեր՝ «Շնորհակալություն, Ամերիկա»-ն»,- գրել է Թրամփը:
Նախօրեին Թրամփը Ռուսաստանին զգուշացրել էր, որպեսզի վերջինը պատրաստ լինի Սիրիայում նոր հարվածներին: