Խնդրում ենք սպասել...
COMMENT.am
Այսօր`  կիրակի, 21 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հետաքրքիր է

Ինչպե՞ս տնային պայմաններում բուժել ատամնացավը

19:10, կիրակի, 06 մայիսի, 2018 թ.
Ինչպե՞ս տնային պայմաններում բուժել ատամնացավը

Ատամնացավը կարող է իրական պատիժ դառնալ, հատկապես եթե այն սկսվել է աշխատավայրում կամ հանգստյան օրերին, գրում է Best Healthy Guide-ը:

Կան տնային պայմաններում ատամնացավից ազատվելու բազմաթիվ միջոցներ.

Մեխակ և մեխակի եթերայուղ

Դրա համար՝ 1 թեյի գդալ բուսայուղը խառնեք մի քանի կաթիլ մեխակի եթերայուղի հետ, խառնուրդը դրեք բամբակե սկավառակի վրա, ապա դրեք ցավոտ տեղի վրա: Երբ զգաք, որ այդ հատվածը թմրել է, հանեք բամբակե սկավառակը:

Կոճապղպեղի մածուկ

Նման մածուկը թույլ կտա թեթևացնել ցավն ու նվազեցնել այտուցը: Այդ մածուկը ևս քսեք բամբակե սկավառակին և դրեք ցավոտ տեղի վրա: Թողեք առնվազն 30 րոպե:

Անանուխի թեյ

Ըստ հետազոտությունների՝ անանուխի թեյը հակասեպտիկ հատկություն ունի: Եռացրեք և թողեք թրմի 15-20 րոպե: Անանուխի թեյը նաև հեռացնում է գլխացավը, բերանի տհաճ հոտը, ինչպես նաև ոչնչացնում է բերանի խոռոցի բակտերիաները:

Սխտոր

Ավելի լավ է այն օգտագործել հում վիճակում: Մաքրեք մեկ պճեղ սխտորը, երկու մասի կիսեք, մի փոքր աղ ցանեք և դրեք ցավոտ ատամի հատվածում: Կարող եք պարզապես ծամել սխտորը:

Քրքումի մածուկ

1 ճաշի գդալ բուսայուղը խառնեք 1 թեյի գդալ քրքումի հետ, խառնուրդին մի քանի կաթիլ անանուխի յուղ ավելացրեք: Ատամները լվացեք այդ մածուկով:

Սառույց

Սառույցը փաթաթեք կտորով և դրեք երեսի վրա՝ պահելով ցավոտ ատամի հատվածում:

Սննդի սոդա

Կարող եք սոդայով ողողում անել:

Ալկոհոլ

Ատամնացավը թեթևացնում է նաև ալկոհոլը՝ օղին, վիսկին, կոնյակը կամ ռոմը:

| | |
33668 | 1