Թուրքիայի բանակը կլքի Աֆրինը միայն այն դեպքում, երբ Սիրիայի ճգնաժամը լուծվի քաղաքական ճանապարհով: Այս մասին հայտարարել է Թուրքիայի փոխվարչապետ Բեքիր Բոզդաղը, փոխանցում է РИА Новости-ն:
«Մենք Աֆրին չենք մտել որպես օկուպանտներ և չենք պատրաստվում մնալ այնտեղ: Մենք հարգում ենք Սիրիայի տարածքային ամբողջականությունը»,- ասել է Բոզդաղը:
Նա նաև հավելել է, որ Աֆրինի իշխանությունը կհանձնեն տեղի բնակիչներին, ովքեր կարող են ինքնուրույն կարգավորել իրենց կյանքը: Ըստ Բոզդաղի՝ այժմ կարևոր է քաղաքական լուծում գտնելը:
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Թուրքիան պետք Է վերադարձնի Աֆրինը Դամասկոսի վերահսկողությանը: