ՌԴ Պերմի երկրամասում վերակենդանացման բաժանմունքում հայտնված 9 ամսական երեխան, ում վրա տանիքից ձյուն է ընկել, մահացել է, հաղորդում է РИА Новости-ն: Երեխան եղել է մանկասայլակում: Փոքրիկը գլխի հատվածում ծանր վնասվածք էր ստացել: Բժիշկները վիրահատել էին նրան, սակայն կյանքը փրկել չէր հաջողվել: «Չորեքշաբթի երեխան մահացել է»,- ասել է գործակալության զրուցակիցը:
ՌԴ ԱՆ տեղեկությունների համաձայն՝ երեխայի մոտ կյանքի հետ անհամատեղելի ծայրահեղ ծանր վնասվածք է եղել, բժիշկները 2 օր պայքարում էին նրա կյանքի համար՝ բուժման ժամանակակից միջոցներ կիրառելով: