Ռուսաստանը, Թուրքիան և Իրանն Սիրիայում ընդհանուր ռազմավարական նպատակ են համարում ահաբեկիչների պարտությունը: Այս մասին Անկարայում ընթացող եռակողմ հանդիպման ժամանակ ասել է ՌԴ նախագահ Վլադիմիր Պուտինը:
«Որպես ընդհանուր ռազմավարական նպատակ ենք տեսնում ահաբեկիչների վերջնական ջախջախումը, ովքեր փորձում են ապակայունացնել աշխարհում իրավիճակը, փորձում են խոչընդոտել խաղաղ գործընթացի հարցով միջազգային ջանքերը»,- ասել է նա:
Բացի այդ, Թուրքիան, Իրանն ու Ռուսաստանը համաձայնել են ընդլայնել Սիրիայի հարցով համագործակցությունը:
Ավելի վաղ հայտնի է դարձել, որ 3 երկրների առաջնորդները քննարկել են Սիրիայում քրդերի դեմ Թուրքիայի նախաձեռնած «Ձիթենու ճյուղ» ռազմական գործողությունները:
«Այո, այդ թեման ևս քննարկվել է, սակայն քննարկումը, կարող եմ ասել, գործնական է եղել»,- ասել է Պուտինի օգնական Յուրի Ուշակովը: