ԱՄՆ Պետդեպարտամենտի ներկայացուցիչը հայտարարել է, որ Ռուսաստանը կարող է նոր դիվանագետներ ուղարկել ԱՄՆ՝ երկրից արտաքսված դիվանագետների փոխարեն, հաղորդում է CNN-ը:
«Ինչպես նման դեպքերում է լինում, ռուսական կառավարությունը կարող է հարցում ուղարկել դիվանագիտական առաքելությունների թափուր պաշտոններում դիվանագետների հավատարմագրման համար»,- հայտարարել են Պետդեպում:
Ներկայացուցիչը նշել է, որ յուրաքանչյուր նոր հարցում առանձին կքննարկվի:
«Ռուսաստանը չի տեղեկացրել մեզ, որ պատրաստվում է կրճատել դիվանագետների ընդհանուր քանակը, ովքեր կարող են աշխատել ԱՄՆ տարածքում: Այդ իսկ պատճառով մենք ենթադրում ենք, որ նրանք կարող են նոր դիվանագետների հավատարմագրման հարցում ուղարկել»,- հավելել է նա:
Ավելի վաղ ԱՄՆ-ից արտաքսված ռուս դիվանագետները Մոսկվա էին վերադարձել: