Ռուսաստանում Burger King-ում ծխի պատճառով 6 հազար մարդ է տարհանվել (տեսանյութ)
15:25, երեքշաբթի, 03 ապրիլի, 2018 թ.
Մոսկվայի Պրեսնենսկայա 2 հասցեում «Աֆիմոլ» առևտրի կենտրոնում Burger King ռեստորանից ավելի քան 6 հազար մարդ է տարհանվել, հաղորդում է ТАСС-ը՝ հղում անելով արտակարգ իրավիճակների ծառայություններին:
Գործակալության զրուցակիցը հայտնել է, որ ծուխ է տարածվել առևտրի կենտրոնի 4-րդ հարկում՝ Burger King ռեստորանում:
Ծխի պատճառ է դարձել ռեստորանում սննդի պատրաստման գործընթացը:
Առևտրի կենտրոնը վերսկսել է աշխատանքը տարհանումից մեկ ժամ անց:
Հիշեցնենք, որ երեկ պայթյուն էր տեղի ունեցել Երևանում, Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում: Պայթյունի հետևանքով 8 մարդ էր տուժել: