Հետաքրքիր է

Հնդկաստանի ամենահայտնի այցեքարտերից մեկը՝ Թաջ Մահալ այցելող զբոսաշրջիկներն այսուհետ չեն կարող սրտների ուզածի չափով մնալ տաճարի տարածքում: Զբոսաշրջիկների հսկայական հոսքի պատճառով տաճարում մնալու ժամանակահատվածը կրճատվել է՝ հասնելով առավելագույնը 3 ժամի: Նպատակը մարդկանց հոծ խմբերի կուտակումից խուսափելն է:

Վիճակագրական տվյալների համաձայն՝ մեկ օրում Թաջ Մահալ այցելողների թիվը երբեմն հասնում է 50 000-ի, իսկ միջինում՝ 15-20 հազարի:

Թաջ Մահալը, որ թարգմանաբար «Պալատի թագ» է նշանակում, փղոսկրասպիտակ դամբարան է Հնդկաստանի Ագրա քաղաքում՝ Ջամնա գետի հարավային ափին: Հիմնադրվել է 1632 թվականին Շահ Ջահան մողոլ կայսեր (կառավարել է 1628-1658 թվականներին) կողմից իր սիրելի կնոջ՝ Մումթազ Մահալի համար, ով մահացել էր 14-րդ երեխային լույս աշխարհ բերելիս: Հետագայում այստեղ է թաղվել նաև ինքը՝ Շահ Ջահանը։