Վրաստանը որոշել է երկրից արտաքսել ռուս մեկ դիվանագետի՝ ի նշան Մեծ Բրիտանիայի հետ համաձայնության՝ կապված Սոլսբերիում տեղի ունեցած միջադեպի հետ: Այս մասին ասվում է Վրաստանի ԱԳՆ-ի պաշտոնական կայքում:
«Նախարարությունն աջակցում է միջազգային հանրության և Մեծ Բրիտանիայի դիրքորոշումը, և, հետևաբար, անընդունելի է համարում Թբիլիսիում Շվեյցարիայի դեսպանատանը կից գործող Ռուսաստանի շահերը ներկայացնող խմբի աշխատակցի ներկայությունը»,- ասվում է հաղորդագրության մեջ:
Նշվում է, որ դիվանագետը պետք է լքի երկիրը մեկ շաբաթվա ընթացքում:
Ավելի վաղ Մոսկվայից իր դեսպանին հետ կանչելու մասին հայտարարել էր Սլովակիան:
Եվրոպական մի շարք երկրներ, ինչպես նաև ԱՄՆ-ն, Կանադան և Ավստրալիան երկուշաբթի օրը հայտարարել էին ռուս դիվանագետների զանգվածային արտաքսման մասին: