ԱՄՆ Սիեթլ քաղաքում ՌԴ գլխավոր հյուպատոսությունը երկուշաբթի օրը դադարեցրել է քաղաքացիների ընդունումը: Այս մասին ասվում է գլխավոր հյուպատոսության կայքում, փոխանցում է ТАСС-ը:
«Սիեթլում ՌԴ գլխավոր հյուպատոսությունը փակելու՝ ԱՄՆ-ի իշխանությունների որոշման հետ կապված՝ անձնագրերի, վիզաների, քաղաքացիության և այլ հարցերով քաղաքացիների ընդունումը մարտի 26-ից դադարեցվում է»,- ասվում է հաղորդագրության մեջ:
Ավելի վաղ ԱՄՆ-ն հայտնել էր երկրից 48 ռուս դիվանագետի և Նյու Յորքում ՄԱԿ-ի ռուսական մշտական ներկայացուցչության ևս 12 դիվանագիտական աշխատակցի արտաքսման մասին: