Խնդրում ենք սպասել...
Այսօր`  երեքշաբթի, 17 սեպտեմբերի, 2019 թ.

Միջազգային

«Սկրիպալի գործը կքննարկվի ԵԽ գագաթնաժողովի ժամանակ». Մերկել

10:45, երեքշաբթի, 20 մարտի, 2018 թ.
«Սկրիպալի գործը կքննարկվի ԵԽ գագաթնաժողովի ժամանակ». Մերկել

Մարտի 22-ին Եվրոպայի խորհրդի գագաթնաժողովի ժամանակ գլխավոր թեմաներից մեկը կլինի Մեծ Բրիտանիայում ռուս նախկին հետախույզ Սերգեյ Սկրիպալի և նրա դստեր թունավորման հետաքննությունը: Այս մասին, РИА Новости-ի հաղորդմամբ, Լեհաստանի վարչապետ Մաթեուշ Մորավեցկիի հետ հանդիպման արդյունքներով ասել է Գերմանիայի կանցլեր Անգելա Մերկելը:

«Հինգշաբթի մենք կքննարկենք այդ հարցը»,- ասել է Մերկելը:

Բացի այդ, նրա խոսքով, Ռուսաստանը պետք է ապացուցի, որ չի կապ չունի Սկրիպալի թունավորման հետ:

«Մենք կարծում ենք, որ լուրջ տեղեկություններ կան գործին Ռուսաստանի ներգրավվածության հետ կապված, և այժմ Ռուսաստանը պետք է ապացուցի, որ դա այդպես չէ»,- ասել է Գերմանիայի կանցլերը:

Իր հերթին, Մորավեցկին հայտարարել է, որ Մերկելի հետ քննարկել է այդ թեման: «Մենք խոսել ենք Սոլսբերիում թունավոր նյութի կիրառմամբ հարձակման մասին: Մենք համաձայնության ենք եկել, որ ԵՄ-ն պետք է վճռական, և ոչ թե խորհրդանշական պատասխան տա»,- ասել է նա:

Ավելի վաղ հաղորդվել է, որ Լեհաստանը՝ հետևելով Մեծ Բրիտանիայի օրինակին, կարտաքսի ռուս դիվանագետներին:

| | |
2932 | 0
Facebook
COMMENT.am