«Ազգային ինքնապաշտպանության ուժերի» քրդական ջոկատները թուրքական զորքերի կողմից Սիրիայի Աֆրին քաղաքի գրավումից հետո հայտարարել են պարտիզանական պայքարի անցնելու մասին:
Երեկ թուրքական զորքերն ու Սիրիական ազատագրական բանակը մտել էին Աֆրին՝ ամբողջությամբ գրավելով քաղաքը: Տարբեր աղբյուրների տվյալների համաձայն՝ թուրքական զորքերի գնդակոծությունների հետևանքով վերջին օրերին 289 մարդ է զոհվել, նրանց թվում՝ 40-ից ավելի երեխաներ:
Figaro-ի հաղորդմամբ՝ քրդերը խոստացել են «իրական մղձավանջ» դառնալ թուրքերի համար:
«Աֆրինում հակամարտությունը կշարունակվի մինչև քաղաքի լիարժեք ազատագրումը: Մեր զորքերն իրական մղձավանջ կդառնան նրանց (թուրքերի) համար»,- ասվում է քրդական ուժերի տարածած հաղորդագրության մեջ: