Միջազգային

Մեծ Բրիտանիայի արտաքին գործերի նախարար Բորիս Ջոնսոնը հայտարարել է, որ Միացյալ Թագավորության տարածքում նյարդապարալիտիկ նյութի կիրառման հրաման է արձակել ՌԴ նախագահ Վլադիմիր Պուտինը:

«Մենք ոչինչ չունենք Ռուսաստանի դեմ: Տեղի ունեցածը չպետք է ռուսաֆոբիայի հանգեցնի: Կարծում ենք, որ նյարդապարալիտիկ նյութի օգտագործման հրամանն արձակել է Պուտինը: Դա հրաման էր՝ օգտագործելու այդ նյութը Մեծ Բրիտանիայում՝ եվրոպական պետությունում, Երկրորդ համաշխարհային պատերազմի տարիներից ի վեր առաջին անգամ»,- ասել է Ջոնսոնը:

Ջոնսոնի այս հայտարարությունը Ռուսաստանում «դիվանագիտական պարկեշտության աններելի խախտում» են անվանել: Կրեմլի մամուլի խոսնակ Դմիտրի Պեսկովը հերթական անգամ հերքել է այդ դեպքին Ռուսաստանի ներգրավվածությունը: