Իրաքի և Սիրիայի սահմանի մոտ ամերիկյան ռազմական ուղղաթիռ է կործանվել, որում 7 մարդ է գտնվել: Այս մասին՝ հղում անելով ամերիկյան հրամանատարությանը, հայտնել է CNN-ը:
Հեռուստաալիքի հաղորդմամբ՝ կործանվել է HH-60 Black Hawk ուղղաթիռը, ընդ որում, նշվում է, որ ռազմական ուղղաթիռը չի խոցվել:
Զոհերի և տուժածների մասին տեղեկություններ չկան:
Ամերիկյան լրատվամիջոցների տվյալներով՝ դեպքի վայր են մեկնել փրկարարական թիմեր: Ուղղաթիռի կործանման պատճառները պարզելու համար հետաքննություն է ընթանում: