ԱՄՆ նախագահ Դոնալդ Թրամփը հայտնել է պետքարտուղարի պաշտոնից Ռեքս Թիլերսոնին ազատելու պատճառը: Նրա խոսքով՝ գլխավոր պատճառներից մեկն Իրանի միջուկային ծրագրի վերաբերյալ համաձայնագրի հարցով տարաձայնությունն էր:
«Նայեք Իրանի հետ գործարքին: Կարծում եմ, որ այն սարսափելի է: Իսկ նա կարծում է, որ OK է: Ես դեռ վաղուց էի ցանկանում այն խզել կամ ինչ-որ բան անել դրա հետ, սակայն նա փոքր ինչ այլ կերպ էր մտածում: Մենք տարբեր կերպ էինք մտածում»,- ասել է Թրամփը՝ Քալիֆորնիա մեկնելիս լրագրողների հետ զրույցում:
ԱՄՆ նախագահը նաև նշել է, որ նորնշանակ Մայք Փոմփեոյի հետ, նրանք նմանատիպ կարծքիներ ունեն:
«Կարծում եմ՝ ամեն ինչ լավ կլինի»,- ընդգծել է Թրամփը: