Միջազգային

Ավստրալիայի հյուսիսային հատվածում գտնվող Քվինսլենդ քաղաքին սպառնում են կոկորդիլոսները՝ վերջին օրերին տեղի ունեցած ավերիչ ջրհեղեղներից հետո, հաղորդում է Reuters-ը:

Տագնապալից հաղորդագրություններ են ստացվել Ինհեմ քաղաքի բնակիչներից, որտեղ կոկորդիլոսները վերջին օրերին սկսել են հանդիպել ամենաանսպասելի վայրերում: Դրա պատճառը հորդառատ անձրևներն են, որոնք չեն դադարում քաղաքում վերջին 4 օրվա ընթացքում:

Քվինսլենդի կենդանաբանական այգու կոկորդիլոսների մասնագետ Թոբի Միլյարդի խոսքով՝ կոկորդիլոսները ջրհեղեղների ժամանակ բավականին հաճախ են փոխում իրենց վայրը, այդ թվում նաև սնունդ գտնելու նպատակով:

«Որոշ կոկորդիլոսներ սիրում են, երբ անձրև է տեղում, նրանք ջրի հոսքն օգտագործում են ճանապարհորդելու համար, դրանք շատ խելացի կենդանիներ են»,- ասել է Թոբի Միլյարդը:

«Քանի դեռ դուք չեք հայտնվել ջրում կամ ջրային հոսքի մոտակայքում, ձեզ հետ ամեն ինչ կարգին կլինի»,- ասել է մասնագետը: