Իրանի իշխանությունների ներկայացուցիչների հաղորդմամբ՝ որոնողական աշխատանքների ընթացքում հայտնաբերվել է կործանված թուրքական ինքնաթիռի «սև արկղը», փոխանցում է IRNA գործակալությունը:
«Սև արկղը» կփոխանցվի թուրքական իշխանություններին հետագա հետաքննության համար:
Ակնկալվում է, որ Թուրքիայի ներկայացուցիչները կժամանեն Իրան մոտակա ժամերին:
Ավելի վաղ հայտնի է դարձել, որ փրկարարները հայտնաբերել են կործանված ինքնաթիռի զոհերի մարմինները: Հաղորդվել է նաև, որ զոհերից մեկը եղել է թուրքական Basaran հոլդինգի ղեկավարի դուստրը: