ՌԴ նախագահ Վլադիմիր Պուտինը հայտարարել է, որ ԱՄՆ-ն մշտապես միջամտում է Ռուսաստանի ընտրություններին: Այս մասին նա ասել է NBC News հեռուստաալիքի հետ զրույցում:
«Մենք ամենաբարձ մակարդակներից ասացինք ԱՄՆ-ին. «Դուք մշտապես միջամտում եք մեր քաղաքական կյանքին»: Պատկերացնում եք՝ նրանք նույնիսկ դա չեն հերքում»,- ասել է Պուտինը:
Նա հերթական անգամ հայտարարել է, որ Մոսկվան չի միջամտել ԱՄՆ-ի նախագահական ընտրություններին: «Մենք ունենք սկզբունքներ, որոնցով մենք ոչ ոքի թույլ չենք տա միջամտել մեր ներքին գործերին: Եվ մենք ևս չենք միջամտում ուրիշների գործերին: Մենք մեր առջև նման նպատակ չենք դնում: Հանուն ինչի՞: Միջամտել՝ միջամտելու համա՞ր: Ի՞նչ նպատակով»,- ասել է ՌԴ նախագահը:
Բացի այդ, Պուտինը նշել է, որ ռուս-ամերիկյան հարաբերությունների վատթարացման համար պատասխանատու է ԱՄՆ-ն: