Մոսկվայի կենտրոնում հայ տաքսիստ Հրանտ Ալթունյանի և ռուս ռեփեր Տիմատիի թիկնապահների մասնակցությամբ վթար է տեղի ունեցել: Ռեփերի մեքենան ամբողջովին այրվել է:
«Տաքսիստին անմիջապես մոտեցել են Mercedes-ի վարորդին ուղեկցող մարդիկ և մոտ 10 միլիոն ռուբլու չափով գումար պահանջել: Կողմերը փոխանակվել են հեռախոսահամարներով, իսկ արդեն հաջորդ օրը Մարտիրոսյանները (տաքսիի սեփականատերերը) մի քանի զանգ են ստացել վնասը փոխհատուցելու առաջարկով: Զանգահարողներից մեկը ներկայացել է որպես Տիմատիի թիկնապահների պետ: Գումարը, որը նրանք պահանջել են, տատանվել է 5-10 միլիոն ռուբլու միջև»,- գրում է «Московский Комсомолец»-ը:
Ինչպես նաև հաղորդվում է, որ Հրանտ Ալթունյանը տուգանվել է 500 ռուբլու չափով, սակայն այդ որոշումը բողոքարկվել է Ալթունյանի ներկայացուցչի կողմից: Պարբերականը նշում է, որ եթե տաքսիստը մեղավոր ճանաչվի, ապա ռեփերը, ով հանդիսանում է Mercedes-ի սեփականատերը, կարող է դատարան դիմել այրված ամենագնացի վնասը փոխհատուցելու պահանջով (Mercedes-ի գինը գնահատվում է մոտ 8 միլիոն ռուբլի):
