Սիրիայում ռուսական «ԱՆ-26» տրանսպորտային ինքնաթիռը վթարի է ենթարկվել. РИА Новости-ի փոխանցմամբ հաղորդում է Ռուսաստանի Պաշտպանության նախարարությունը:
Նախնական տվյալներով, ինքնաթիռում եղել է 26 ուղևոր և անձնակազմի վեց անդամ, բոլորը զոհվել են:
Վթարը տեղի է ունեցել սիրիական «Հմեյմիմ» օդանավակայանում վայրէջքի ժամանակ: Ինքնաթիռը բախվել է գետնին՝ թռիչքուղուց մոտ 500 մետր հեռավորության վրա:
Նախնական տվյալներով, աղետի պատճառը կարող է տեխնիկական անսարքությունը լինել:
Գործակալությունը հավելել է, որ «ըստ վայրից զեկույցի, օդանավի վրա հրդեհային ազդեցություն չի եղել»: Պաշտպանության նախարարության հանձնաժողովը քնարկում է դեպքի բոլոր հնարավոր պատճառները: