Միջազգային

Թուրքիան դիմել է Գերմանիային՝ կապված քրդական «Ժողովրդավարական միություն» կուսակցության նախկին առաջնորդ Սալեհ Մուսլիմի ժամանակավոր ձերբակալման և հետագա արտահանձնման հետ, հաղորդում է trt-ը:

Ըստ թուրքական դիվանագիտական աղբյուրների տեղեկությունների՝ Գերմանիայի իշխանությունները տեղեկացված են Թուրքիայի արդարադատության նախարարության որոշումից:

Թուրքիայում Սալեհ Մուսլիմին մեղադրում են Անկարայում ականապատ մեքենայի պայթյունի գործին ներգրավված լինելու համար, որն իրականացվել էր 2016թ. մարտին: Պայթյունի հետևանքով 36 մարդ էր զոհվել, ևս 349-ը վիրավորվել:

Մուսլիմին ձերբակալել էին փետրվարի 27-ին Չեխիայի մայրաքաղաք Պրահայում, որից հետո դատարանի որոշմամբ նրան ազատ էին արձակել: